Lájkkut lanjáv ls

Galga gus lanjáv jali årudagáv lájggit? Buorre le ietjas riektáj ja välggogisvuodaj birra diehtet. Dála le lájggimláhka tjoahkkájgessusin:

1. Ladnja galggá årromláhkáj dåhkkit
Sisanet vaj galggá vissa dáhttjaalludahka, vissa stuorrudahka vinndegijn årrot. Rávkalvis le galggá lávggot/navoldit ja málestit j n v máhttet. Muhtem årudakniehke älla dudalattja ja lájggiji lanjájt ma älla jali lulun dakkir måkkåj dåhkkiduvvat. Kommuvnna máhttá vásstedit jus ladnja dåhkki.


2. Åhtjuda tjálálasj lájggosåbadusáv
Njálmmálasj lájggosåbadus le sämmi nanos degu tjálalasj. Vuorrádis le, rijddo máhttá sjaddat man birra njálmmálattjat lij såbadum. Máhtá tjálálasj såbadusáv rávkkat. Iemelágásj lájggokontrahktav máhtá bv. konsummänntaráden fylkan jali girjjeoassásin oasstet. Muhtem årudakäjgádij ulmme le vaj dån galga muohttagijt goajvvot, rásijt tjuohppat, mánnásujttárin årrot jali dan láhkáj. Jus dasi sjiehtada de viertti dav kontráhktaj åttjudit. Dakkir ássje vierttiji vattugisláhkáj tjáleduvvat ja åvddåla såbaduvvat. Huomaha nuora (18 jage nuorabu) e máhte lájggomsåbadusáv dahkat. Äjggáda/sujttoaddne vierttiji dav dahkat.


3. Ärádus lájggovidjurijt majt máhtá låhpadit ja ájggemierredum lájggovidjurij gaskan
Oajvvadip lájggovidjurijt majt máhtá låhpadit. Jus iemelágásj lanjáv lájggi ja ij le mierredim ájgev jali låhpadimájgijt lájgguj såbadam de lájggimlága mierredusá li fámon. Ladnjaj le 1 máno gaskkasasj låpadibme. Jus lájggovadde sihtá lájggididdjev jåhtet de galggá tjálálattjat dagáduvvat.

Jus le ållu visses ij buorep lanjáv gávna, jali ietjá oares ij sidá jåhtet de máhtá aj märostit ájggemierredum lájggovidjurijt. Unnemusájgge álgon le 3 jage. Jus ladnjaj badjelåbdån jali tjällárin guosská ja lájggovadde huonahin årru de máhttá 1 jahkáj biejaduvvat. Buorep jasskavuodav vaddá vaj lanjan oattjo årrot. Jus lájggovadde ij ådå lájggididdjev oattjo de viertti, jus åvddåla jåhttå, lájgov ålles ájges makset.

4. Dujna le akturiektá lanjá adnuj
Lanjá adnuj le lájggididddjen akturieká. Mierkki lájggovaddi ij máhte duv ladnaj boahtet ja mannat gåktu sihtá. Jus lájggovatten le loabálasj måkke duv ladnaj bv. divodibme de viertti hiebalasj ájgev dujna såbadit.

5. Deposisjåvnnå
Lájggovadde máhttá rávkkat dån galga deposisjåvnåv makset. Dakkir deposisjåvnnå le jasskavuohtan såbadusá maŋás biedjamij. Aneduvvá lájggovielgijda ja ihkap spedjamijda ladnjaj masi lájggididdjen le åvdåsvásstádus. Deposisjåvnnå ij galga ienep gå 6 máno lájggo årrot. Galggá dahpadum konntuj biejaduvvat ja renta galggi lájggididdjáj vatteduvvat. Ásadittjat dakkir kontov, gålo galggi lájggovaddes mávseduvvat. Deposisjåvnnå galggá rentaj mávseduvvat gå lájggididdje jåhttå.

6. Lájggo
Lájggo galggá vissa biedniklåhkuj märostuvvat. Máhttá såbaduvvat lájggididdje galggá gålojs elektrisitähttaj ja lieggimij hebalasj oasev mákset. Máhttá sjiehtadallat lájggo åvddåmákson juohkka mánnuj galggá mávseduvvat. Dån ij máhte ienep gå 1 máno åvddåmávsov lihtudit. Lájggo ij máhte åvddål áramusát avta jage hiebaduvvat ja dalloj avta máno tjálálasj diededimijn.

Fant du det du lette etter?